la buraburan.tarosuken
By tijlan
la buraburan.tarosuken
puzuku ki bu'u lo nurma cu citno nanmu fa lo se cmene be { tarosuken } -
la tarosuken goi T mutce xalbo xabju fau lo nu sa'ei buraburan na'e se jibri je kelci ze'u
mi'u de'i lo cabna T co'a lo cerni cu sa'ei buraburan kelci -
cabo voksa fa lo nu cpedu fi T no'u { doi tarosuken } -
T { y ... uanai ma gasnu } -
T carna mo'ifa'a lo voksa krasi gi'e viska lo cmalu patxu noi loldi vreta -
T secu'u { u'a xamgu patxu } lo se go'i cu lafti jgari -
ne'iku da cmalu be tai lo smacu be'o nanmu -
{ ua.uesai do mo } T -
lo cmalu nanmu goi N { doi tarosuken, mi mutce nelci lo sa'ei buraburan na'e gunka je kelci be du'i do - au co'a lo cabna djedi mi xabju lo do zdani - e'o gau ko mi kansa } -
T { y ... je'e - fi'i klama }
T co'i lo nu bevri lo patxu lo zdani cu vimcu N ra -
T { oinai ko surla - mi jai pu'o bartu krefu - e'o vi stali }
T co'i lo nu xruti ba lo nu sa'ei buraburan vi va vu kelci cu te jvinu lo za'i preja sipna fa lo to'e slabu nanmu -
T { uanai ... - ju'isai ko cikna - do i'unai mo ra'i ma } -
se spuda fi { oi do to'e xu morji, tu'a mi pe ra'i lo patxu } fa N i'u -
T { bu'ocu'i y ... uesai - ri'a ma sai do ca tai barda } -
N { je'u ganai do kelci u'ase'i gi lo mi xadni cu barda binxo - ki'uku e'o ko ru'i kelci }
mi'u de'i lo balvi T bartu tezu'e lo nu kelci -
co'i lo nu xruti fi lo zdani caru'e lo vanci kei, ne'i te jvinu lo za'i ba'o barda zenba fau lo nu lo stedu cu fe'epu'o pencu lo drudi kei fa N -
T, fi'o se terpa lo nu vo'a se stapa N ca makau kei, ze'e lo nicte cu stodi lo ka ce'u xanka vi lo kumfa kojna
cerni -
T fau lo nu ze'uca djica lo mu'e go'i cu zi klama lo bartu be lo zdani -
ze'eco'u lo vanci cu mi'u sa'ei buraburan jai kelci krefu -
T co'i lo nu xruti cu te jvinu lo za'i sa'ei niokniok tai lo barda tricu ge pa'o lo foldi vorme cu tuple gi pa'o lo canko cu rotsu birka -
{ cai.iiiiii } -
ri'aku na'e kakne lo nu klama lo zdani nenri -
T { o'unaisai, nabmi, ba'acu'i - da'i ganai mi kelci za'oca lo ji'a balvi djedi gi ju'o lo zdani ba se daspo }
semu'iku T fau lo nu steba cu co'a gunka bu'u lo cange -
klama lo zdani -
ja'ebo N ba'o cmalu jdika -
T { za'aro'e, fancu lo ni mi gunka }
seki'uku baku T ru'i gunka de'i ro da fau lo nu fi'o fancu ku N ru'i cmalu jdika -
ja'ebo cmalu tai lo jai cabna be lo ba'anai mu'e vo'a pu cliva lo patxu -
N cusku { doi tarosuken lo nu xabju ti cu co'u frili mi - e'o ko mi punji fi lo patxu nenri gi'e cirko fi lo klaji mlana } -
T { vi'o }
za'ure'u baku T de'i ro da ru'i junri gunka gi'e ricfu binxo vau ti'e
fa'o